آی باتدی صبح آچیلدی زینب نوایه گلدی
زهرا دئدی حسین وای
عالم صدایه گلدی

چون ییخدیلار آتیندان سلطان تشنه کامی
دنیایه اولدی اعلان، قتل الحسین پیامی

جناتیدن ائشیتدی پیغمبر گرامی
نعلین سیز عباسیز کرب و بلایه گلدی

پیمانه عالم اولدی جانانه وئردی جانین
شوق و شرافتیلن طی ائتدی امتحانین
شمر دغا توکنده خاک منایه قانین
توزدوتدی آسمانی حمد و ثنایه گلدی

خون خدا توکولدی گودال کربلایه
یئرلر تزلزل ائتدی رعشه دوشوب سمایه
کروبیان لاهوت آغلاشدی بو بلایه
یئل اسدی گون دوتولدی ظلمت فضایه گلدی

خون حسین بوغازدان جاری اولان زمانی
جبریل آپاردی عرشه بیر شیشه ده او قانی
اول شیشه دن نمودار اولدی بلا نشانی
قوزاندی بوی ماتم اهل سمایه گلدی

نور حق اولدی لامع باشسیز قالان بدنده
راس حسین مظلوم سر نیزیه گئدنده
باد سیاه اسنده یئر زلزله ائدنده
سیندی نظام دنیا حد فنایه گلدی

نزدیکدی یئریندن چیخسون مدار دنیا
آل امیه ائتسون دستور شرعی ملغی
سرنیزه دن ائدنده نور حسین تجلی
دین محمد اوسته نورانی سایه گلدی

فرمان غارتیلن تللی آشوب عربلر
گوردی اوهای هویی اطفال زار و مضطر
قاچوللا خیمه گاهه بیردن اوجالدی سسلر
عمه آماندو لشگر خیمه سرایه گلدی
صحرانورد عربلر خرگاهی یاندیراندا
باشی آچیخ حرملر اوتدان چیخوب قاچاندا
قالخیب بتر آتش گیزلندیلر دوماندا
توسدی اوجالدی قاره پرده هوایه گلدی

بیر خیردا قیز قاچیردی دوتموش الو عباسین
مرد یهودی دوتدی خاموش ائدب لباسین
گتدی اله حسینون دلبندینون رضاسین
احسن او شیخه مشکل وقتی هرایه گلدی

گرائتمه سئیدی زینب نسل حسینه امداد
اولموشدی اود ایچینده سوزان امام سجاد
قیلدی رشادتیله اوتدان امامی آزاد
بیر تازه زندگانلیق زین العباده گلدی

زهرا گزیردی گوندوز اطراف ماجراده
تا کوفیه حسینون گئتدی باشی جداده
نعش حسینی آخشام باشسیز قویوب اراده
گون باتجاقین او خاتون مطبخ سرایه گلدی

حوران باغ جنت محزون گرفته سیما
حوا خدیجه خاتون مریم جناب سارا
آشفته مو سیه پوش دیللرده وای حسین وا
زهرایه همدم اولسون بزم عزایه گلدی

اللی اوچ ایل قاپونداوار حسین جان
نوحه یازیب غمونده اولموش مریض و نالان
دست مبارکیله دردینه ایله درمان
امید صحت ایله باب شفایه گلدی

https://uupload.ir/view/vid_20230719_103600_764_uii.mp4/